تعرفي يالول 

 ماهو ؟

والله لو ماعد يبقى لنا من الشرعية في مواجهة عصابة عبده شوربان الانقلابية الا ختم الجمهورية اليمنية وبس فآن احنا شنجلس متمسكين بهذا الختم وماشنفلت له ابدا  لوما تجي لنا شرعية قوية ومشحوطة ومتماسكه وموحدة وقادرة تلم طاقات الشعب اليمني حولها  لخوض معركة الخلاص الاخير من  ختم شوربان الفارسي

مله وايحين شتجي هذي الشرعية القوية والمتماسكة والمشحوطة ياموسمك ؟ 

ضبحنا واحنا مراعيين لهم ؛ وهم ولا احتركوا ؛ ولا اشتحطوا ؛ وعبده شوربان يزداد قوة على الارض كل يوم اكثر من اليوم الذي قبله بسبب هذي الشرعية المقعللة في الفنادق وبسبب قيادات الواير لس!

هوذا انت قولتيها بلسانك يالول .. شرعية فنادق وواير لس مابو منها غير القعللة وبس.

كان ماهو الحل ياموسمك ؟   

  الحل في شرعية على الارض تعيش بيننا هي وجهالها داخل البلاد ؛ يعانوا مثلما نعاني احنا من كل شي ؛ لاجل  يشعروا بفداحة ومرارات الواقع اليومي الذي نعيشه ؛ ويكتووا بناره وجها لوجه مثلما بنكتوي به احنا ؛ على الاقل اذا ماخافوا على حال البلاد والعباد ؛ شيخافوا على مستقبل جهالهم وشيبطلوا القعللة. 

 اما شرعية موسحة خارج البلاد فما هو الذي شيخليهم  مستعجلين في الخلاص من عصابة.#عبده_شوربان ؟ والله لو تجلس الحرب مائة سنة ؛ ماهمهم شي يالول 

 صدقك والله.. 

ماهو الذي شيخليهم قلقين وخايفين ويشتوا يقطبوا المخارجة من عصابة شوربان ؛ طالما وانهم عايشين هم وجهالهم في نعيم رفاهية القضية ؛ واحنا نخترج او نسير ملح.  

ولهذا اقولك انو الخلل مش في مفهوم الشرعية يالول الشرعية هي وجودنا كيمنيين ..

 وهي مركانا الوحيد الذي نسند عليه ظهورنا لاسترداد بلادنا 

وانما الغلط والخطأ الجسيم المستمر من سنوات طوال هو في ادوات الشرعية وبطريقة ادارتها المقعللية في خوض معركة الخلاص الاخير من عصابة الانقلاب الفارسية. 

 والله طلعت فيلسوف ياوليد

ايوااااه هامو نلعب

▪︎ من صفحة الكاتب الساخر على الفيس بوك